08.11.2024 | 23:14
Վթար Աշտարակի խճուղում․ կա տուժած
Twitter-ը ժամանակավորապես արգելափակել է Թրամփի նախընտրական արշավի օգտահաշիվը
Քաղաքականություն
06.08.2020 | 14:25
Twitter ընկերությունը ժամանակավորապես արգելափակել է ԱՄՆ նախագահ Դոնալդ Թրամփի նախընտրական արշավի օգտահաշիվը։ Այս մասին տեղեկացնում է DW-ի ռուսական ծառայությունը։
Ընկերությունը, հետևելով Facebook սոցիալական ցանցին, իր այս որոշումը պատճառաբանել է նրանով, որ կորոնավիրուսի վերաբերյալ էջում արված գրառումներից մեկը կեղծ տեղեկություն է պարունակում։
«Խախտվել է Twitter-ի կանոններից մեկը՝ ապատեղեկատվության վերաբերյալ՝ Covid-19-ի մասին»,- հստակեցրել են ընկերությունում։ Twitter-ի ներկայացուցիչները նշել են, որ ապակողմնորոշող տեղեկատվությունը պետք է հեռացվի, որպեսզի օգտատերը կրկին հնարավորություն ունենա օգտվել իր միկրոբլոգից։
Որոշ ժամանակ անց այս պահանջը կատարվել է և, CNN-ի տվյալներով, Թրամփի հաշիվը վերականգնվել է։
