07.07.2026 | 10:20
Ռոբերտո Մարտինեսը հեռանում է Պորտուգալիայի հավաքականից․ հայտնի է՝ ով է փոխարինելու նրան
Ալիևն անընդունելի է համարել Արցախի հարցով ՀՀ վարչապետի պայմանները, այդ թվում՝ Ստեփանակերտի հետ բանակցելը
Քաղաքականություն
30.07.2020 | 21:45
Ադրբեջանի նախագահ Իլհամ Ալիևը հայտարարել է, թե ղարաբաղյան հակամարտության կարգավորման համար Հայաստանի առջև միայն «մեկ պայման կա՝ հայկական զորքերի դուրսբերում», հայտնում են տեղական լրատվամիջոցները։
«Միակ պայմանը մեր հողերից հայկական զորքերի դուրսբերումն է։ Ադրբեջանի քաղաքացիները պետք է վերադառնան իրենց հայրենի հողերը։ Այդպիսին է իմ պայմանը, և խորհուրդ եմ տալիս նրանց ընդունել այն»,- մասնավորապես հայտարարել է Ալիևը։
Նա Երևանի ներկայացրած պայմաններից առանձնացրել է առաջարկը, որ Բաքուն պետք է բանակցի Արցախի Հանրապետության իշխանության հետ։
«Դա անհնար է։ Մենք բազմիցս ենք այդ մասին հայտարարել»,- ասել է Ադրբեջանի նախագահը՝ հավելելով, որ եթե «Հայաստանը տղամարդկություն ունի, թող ճանաչի Լեռնային Ղարաբաղի Հանրապետությունը», իսկ եթե չանի դա, ուրեմն «վախենում է»։
ԵԱՀԿ Մինսկի խմբի միջնորդությամբ ընթացող բանակցություններից բազմիցս դժգոհություն հայտնած և ՄԽ համանախագահներին սուր քննադատած Ալիևը չի մոռացել նաև հերթական անգամ Հայաստանին մեղադրել «բանակցային գործընթացը խափանելու» և «բանակցությունների ձևաչափը փոխելու» փորձերի մեջ։
