09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Այդ գույքի և հաշիվների օրինականությունը որևէ մեկի մոտ չի կարող կասկած առաջացնել․ Ռոբերտ Քոչարյան․ ՏԵՍԱՆՅՈՒԹ
Հասարակություն
28.07.2020 | 16:51
Այդ գույքի և հաշիվների օրինականությունը որևէ մեկի մոտ կասկած չի կարող առաջացնել։ Այս մասին այսօր դատարանում ասաց Մարտի 1-ի գործով ամբաստանյալ, ՀՀ երկրորդ նախագահ Ռոբերտ Քոչարյանը՝ անդրադառնալով իր գույքի վրա դրված կալանքը հանելու միջնորդությանը։
«Շատ է խոսվել ապօրինի գույքի ձեռքբերման մասին։ Հիմա մենք քննարկում ենք իմ գույքի և հաշիվների կալանքի հարցը, մեկ տուն է, որ ստացել եմ պետության կողմից, և երկու բանկային հաշիվներ են, որոնց բոլոր փոխանցումներն արվել են մեկ աղբյուրից՝ ԱՖԿ «Սիստեմա»-ից, որտեղ ես աշխատում եմ։ Այդ գույքի և հաշիվների օրինականությունը որեւէ մեկի մոտ կասկած չի կարող առաջացնել, և դուք ունեք նաև նյութերը»,- նշեց Ռոբերտ Քոչարյանը։
Նշենք, որ պաշտպանները դատարանին միջնորդել են վերացնել Ռոբերտ Քոչարյանի գույքի վրա դրված կալանքը։
Մանրամասները՝ տեսանյութում։
Լիլիթ Շաբոյան
