10.08.2026 | 14:20
Հայկ Առաքելյանը նշանակվել է ՀՀ շրջակա միջավայրի նախարարի տեղակալ
Մենք առաջիկայում անխուսափելիորեն ունենալու ենք 10 մահ․ Նիկոլ Փաշինյանը՝ վարակի տեմպերի մասին. ՏԵՍԱՆՅՈՒԹ
01.07.2020 | 18:24
Ցավոք, մեզ դեռևս չի հաջողվում լուծել կորոնավիրուսի համաճարակի համատեքստում մեր հիմնական ռազմավարական խնդիրը, այն է՝ սովորել ապրել կորոնավիրուսին զուգահեռ։ Պարետատան այսօրվա նիստից հետո հրավիրված ճեպազրույցում ասաց ՀՀ վարչապետ Նիկոլ Փաշինյանը։
«Սա նշանակում է, որ մեզանից յուրաքանչյուրը պետք է աշխատի իր առօրյան դասավորել այնպես, որ չվարակվի կորոնավիրուսով և չվարակի ուրիշներին։ Այս խնդիրը մեզ չի հաջողվում լուծել, և մենք ամենօրյա ռեժիմով շարունակում ենք հարյուրավոր նոր դեպքեր ունենալ։ Երեկվա և այսօրվա վիճակագրության բերումով՝ մենք առաջիկայում անխուսափելիորեն ունենալու ենք 10 մահ»,- նշեց նա։
Վարչապետը հավելեց, որ կորոնավիրուսով հիվանդ քաղաքացիների մեծ մասը, բարեբախտաբար առողջանում է, բավական մասը հիվանդությունը տանում է առանց որևէ ախտանշանի․ «Բայց մեզանից յուրաքանչյուրը պետք է հասկանա, որ ինքն այս թվի մեջ դրական վիճակագրությունը լրացնելով՝ ինչ-որ մեկին դատապարտում է մահվան»։
Մանրամասները՝ տեսանյութում։
