10.08.2026 | 13:31
ՔՊ-ից ովքեր են կողմ քվեարկել Արամ Վարդևանյանի թեկնածությանը
Մոսկվայում Սահմանադրության փոփոխությունների դեմ ցույց կանցկացվի
Քաղաքականություն
26.06.2020 | 18:43
Մոսկվայի իշխանությունները համաձայնեցրել են ՌԴ Սահմանադրությունում փոփոխությունների դեմ ցույցը։ Այն տեղի կունենա հուլիսի 4-ին։ Այս մասին գրում է DW-ի ռուսական ծառայությունը։
Ակցիայի կազմակերպիչներից «Ձախ ճակատ» շարժման համակարգող Սերգեյ Ուդալցովի խոսքով՝ ցույցին հազար մարդ է մասնակցելու։
«Ակցիան բաց է բոլոր նրանց համար, ովքեր չեն քվեարկել Սահմանադրության փոփոխությունների օգտին»,- նշել է նա։
Նշենք, որ կորոնավիրուսի տարածման վտանգի պատճառով Մոսկվայում զանգվածային ակցիաներն այս պահին արգելված են։ Հունիսի 10-ին Մոսկվայի քաղաքապետ Սերգեյ Սոբյանինը ՌԴ վարչապետ Միխայիլ Միշուստինի հետ խորհրդակցության ժամանակ նշել էր, որ համապատասխան սահմանափակումը կարող է հանվել հուլիսի սկզբին։
Սահմանադրության փոփոխությունների հանրաքվեն ՌԴ-ում մեկնարկել է հունիսի 25-ից։ Այն կանցկացվի մինչև հուլիսի 1-ի երեկոյան։
ԿԸՀ-ի տվյալներով՝ քվեարկության առաջին օրը ընտրողների մասնակցությունը կազմել է 9.2 տոկոս կամ 10.000.126 ընտրող՝ ներառյալ հեռահար քվեարկության տվյալները։
