11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԵԽԽՎ ամառային նստաշրջանը հետաձգվել է
Քաղաքականություն
25.06.2020 | 17:54
Եվրախորհրդի Խորհրդարանական վեհաժողովի (ԵԽԽՎ) բյուրոն որոշում է կայացրել չեղարկվել ավելի վաղ անորոշ ժամկետով հետաձգված Վեհաժողովի ամառային նստաշրջանը։ Աշնանային նստաշրջանը, հնարավոր է, գումարվի։ ՏԱՍՍ-ի փոխանցմամբ՝ այս մասին հայտնել է ՌԴ Պետդումայի փոխխոսնակ, ԵԽԽՎ-ում ռուսական պատվիրակության ղեկավար Պյոտր Տոլստոյը։
«Այսօր ԵԽԽՎ Բյուրոյի առցանց նիստի ընթացքում որոշվեց ամառային նստաշրջանի ճակատագիրը, որը պետք է անցկացվեր այս օրերին, սակայն դեռևս ապրիլին, համաճարակային բարդ իրադրության հետ կապված, հասկանալի էր, որ հետաձգվելու է։ Արդյունքում այն չի կայանա»,- ֆեյսբուքում գրել է Տոլստոյը։
Նա նաև նշել է, որ սեպտեմբերին Հունաստանում տեղի կունենա Բյուրոյի և մշտական հանձնաժողովի նիստը։
«Կքննարկվի Վեհաժողովի աշնանային նստաշրջանի նախապատրաստման հարցը, որ նախանշված է հոկտեմբերի սկզբին։ Հիմա, հերթական նստաշրջանը Ստրասբուրգում անցկացնելու հարցը որոշելիս, ստիպված ենք լինում մի շարք գործոններ հաշվի առնել»,- նշել է ռուսաստանցի պատգամավորը։
Տոլստոյը հիշեցրել է, որ ներկայում Ֆրանսիայում սոցիալական հեռավորության կանոններ են գործում․ «ԵԽԽՎ-ն միջազգային կազմակերպության՝ Եվրախորհրդի կառույց է, որը կարող է իր նորմերը մշակել, բայց, միաժամանակ, դրանք չեն կարող հակասել Ֆրանսիայում գործող պահանջներին»։
