15.10.2026 | 21:51
Ադրբեջանցի ակտիվիստը, որը հիջաբի արգելքի դեմ բողոքող դպրոցականների համար ուսուցում էր կազմակերպել, անհետ կորել է
Կոչ ենք անում խուսափել Լեռնային Ղարաբաղում էսկալացիայից. ՆԱՏՕ
Քաղաքականություն
23.11.2017 | 15:01
ՆԱՏՕ-ն մտահոգ է Լեռնային Ղարաբաղի հակամարտությամբ և կոչ է անում խուսափել էսկալացիայից. հայտարարել է դաշինքի գլխավոր քարտուղար Յենս Սթոլթենբերգը՝ Ադրբեջանի նախագահ Իլհամ Ալիևի հետ բանակցություններից հետո, հայտնում է ria.ru-ն:
«Լեռնային Ղարաբաղում չլուծված հակամարտությունն անհանգստություն է առաջացնում: Պարզ է, որ հակամարտության ռազմական լուծում գոյություն չունի, և որ ՆԱՏՕ-ն այստեղ առանցքային դեր չի խաղում»,- ասել է Սթոլթենբերգը լրագրողներին:
Նա նշել է, որ դաշինքն աջակցում է ԵԱՀԿ Մինսկի խմբի համանախագահների աշխատանքը և որախ է Հայաստանի և Ադրբեջանի առաջնորդների միջև բանակցությունների վերսկսման առիթով:
«Մենք ձեզ կոչ ենք անում շարունակել ընթանալ բանակցությունների միջոցով լուծում գտնելու ճանապարհով և խուսափել նոր էսկալացիայից»,- հայտարարել է դաշինքի գլխավոր քարտուղարը:
