Հասարակություն
20.06.2020 | 15:13Այսօր վարչապետ Նիկոլ Փաշինյանի մասնակցությամբ կայացավ ԱԺ «Իմ քայլը» խմբակցության նիստը։ Ավարտից հետո ԱԺ փոխնախագահ Ալեն Սիմոնյանը տեղեկացրեց, որ նիստին քննարկվել են ներքաղաքական հարցեր։ Վարչապետը ելույթ է ունեցել, որից հետո հնչել են հարցեր։
Լրագրողի հարցին, թե ինչո՞ւ են կուսակցության գրասենյակի շենքի տարբեր հարկերում դիպուկահարներ շրջում՝ Սիմոնյանն ասաց. «ՀՀ-ն գտնվում է պատերազմի մեջ։ Եվ Հայաստանի ղեկավարը պետք է ամենապաշպանված մարդկանցից մեկը լինի։ Վերջիվերջո, ես չեմ բացառում, որ ՀՀ-ում էլ ունենք մարդիկ, որոնք այս գործընթացների շրջանակում չեն սիրում մեր վարչապետին, մեր գործունեությունը։ Ինձ հետ էլ արդեն մեկ ամիս է՝ ոստիկանության աշխատակից է շրջում։ Դրա անհրաժեշտությունն առաջացավ իմ հասցեին հնչած կոնկրետ սպառնալիքից հետո»։
Մանրամասները՝ տեսանյութում
