13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Աբրահամ Մանուկյանին մեղադրանք է առաջադրվել․ կալանքի միջնորդություն է ներկայացվել դատարան
Հասարակություն
18.06.2020 | 21:04
Ազգային անվտանգության ծառայությունում քննվող քրեական գործով մեղադրանք է առաջադրվել Ազգային ժողովի ԲՀԿ-ական նախկին պատգամավոր Աբրահամ Մանուկյանին: Factor.am-ի հետ զրույցում այս մասին տեղեկացրեց Գլխավոր դատախազության հանրային կապերի բաժնի պետ Արևիկ Խաչատրյանը։
Նախաքննական մարմինը միջնորդություն է ներկայացել դատարան՝ Մանուկյանի նկատմամբ որպես խափանման միջոց կալանավորումը ընտրելու վերաբերյալ:
Նշենք, որ մեղադրանքն առաջադրվել է ՀՀ Քրեական օրենսգրքի 38-154.2 հոդվածի 2-րդ մասով, այն է՝ կուսակցություններից կամ թեկնածուներից որեւէ մեկի օգտին կողմ կամ դեմ քվեարկելու կամ ընտրություններին մասնակցելուց հրաժարվելու կամ մեկից ավելի անգամ քվեարկելու համար ընտրողին անձամբ կամ միջնորդի միջոցով կաշառք տալուն օժանդակելը:
Աբրահամ Մանուկյանն ԱԺ պատգամավոր է եղել 2003-2007 թվականներին՝ ընտրվելով ՀՀԿ համամասնական ցուցակով, իսկ 2012-2018 թվականներին արդեն խորհրդարան է անցել «Բարգավաճ Հայաստան» կուսակցության համամասնական ցուցակով։
