19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Մի ամբողջ մուտքի բնակիչներ վարակվել են, հարց առաջացավ՝ ինչպե՞ս․ պատգամավորը՝ նախարարին. ՏԵՍԱՆՅՈՒԹ
17.06.2020 | 18:15
Ազգային ժողովում այսօր Կառավարության հետ հարցուպատասխանի ժամանակ «Լուսավոր Հայաստան» խմբակցության պատգամավոր Գուրգեն Բաղդասարյանը հարց ուղղեց առողջապահության նախարար Արսեն Թորոսյանին՝ նշելով, որ շենքերից մեկի մի ամբողջ մուտք փակվել է՝ բոլորը վարակված են։
«Մեր կողքի թաղամասում տեսա, որ ամբողջ մի մուտք՝ բոլորը վարակված են։ Հարց առաջացավ՝ ո՞նց է եղել, որ ամբողջ մուտքն է վարակվել։ Հարևանները բացատրեցին, որ մի երկուսին մի քանի օր առաջ թեստավորել են, բացասական է եղել, հետո էլի են արել, էլի է բացասական եղել, այս վերջինը որ արել են, դրական է եղել։ Վերլուծություն արեցի, վերադարձա նույն հարցին․ որ թեստավորում անում ենք, ՀՀ-ում հիմա ունե՞նք, թե քանի քաղաքացի է կոնկրետ թեստավորվել»,- հարցրեց պատգամավորը։
Թորոսյանը նշեց, որ ուրբաթ օրվա տվյալներով՝ թեստավորվել է 55 հազար 849 մարդ։
Մանրամասները՝ տեսանյութում։
