08.11.2024 | 23:00
Հրդեհ Ծաղկաբեր գյուղում
Հրաձգություն Մոսկվայում․ ոստիկաններ են վիրավորվել
Քաղաքականություն
15.06.2020 | 19:12
ՌԴ մայրաքաղաք Մոսկվայի Լենինյան պողոտայում հրաձգություն է տեղի ունեցել։ Միջադեպի հետևանքով երկու ոստիկան է վիրավորվել։ Այս մասին ՌԲԿ-ին հայտնել են ՆԳՆ մայրաքաղաքային գլխավոր վարչությունից։
«Նախնական տվյալներով՝ տաքսու վարորդը տրավմատիկ ատրճանակից կրակ է բացել ճանապարհային ոստիկանության աշխատակիցների ուղղությամբ։ Երկու ոստիկան վնասվածքներ է ստացել, տաքսու վարորդը ձերբակալված է»,- նշել է գործակալության աղբյուրը։
Ըստ տեղեկությունների՝ փոխհրաձգությունը տեղի է ունեցել ճանապարհային ոստիկանության աշխատակիցների և տաքսու վարորդի միջև, որին իրավապահները կանգնեցրել են՝ փաստաթղթերը ստուգելու համար։
Միջադեպի հետևանքով տուժած երկու ոստիկանների վիճակը ծանր է։ Վիրավորվել է նաև տաքսու վարորդը․ նրան տեղում ձերբակալել են։
