30.09.2026 | 17:18
Ալիկ Ալեքսանյանի պաշտպանը կաշկանդվում է տեսախցիկներից. դատարանն արգելեց տեսանկարահանում իրականացնել
2021 թ. մեր տնտեսությունը կարող ենք նորովի վերականգնել. Էկոնոմիկայի նախարար. ՏԵՍԱՆՅՈՒԹ
Տնտեսություն
08.06.2020 | 18:20
Աշխարհի ամենահեղինակավոր կազմակերպությունները 2020 թվականը գնահատում են որպես նվազագույն կորուստներով հաղթահարելու տարի։ Տարբեր կազմակերպություններ տարբեր գնահատականներ են տալիս, մի մասը նշում է, որ կարձանագրվի 3-ից 5 տոկոս անկում և՛ զարգացած, և՛ զարգացող տնտեսություններում։ Եվ գրեթե բոլոր միջազգային կազմակերպությունները գնահատում են, որ 2021 թվականին նույն այդ տնտեսությունները կվերականգնվեն նույն չափով։ Այսօր ԱԺ-ում այդ մասին ասաց Էկոնոմիկայի նախարար Տիգրան Խաչատրյանը։
Factor.am-ի հարցին, թե Հայաստանն ի՞նչ ժամկետում կվերականգնի տնտեսությունը, Խաչատրյանն ասաց. «Մենք բացառություն չենք լինի՝ աշխարհի մյուս տնտեսությունների համեմատությամբ, 2021 թվականը լինելու է աճի այն տարին, երբ կորցրածը՝ քանակական ցուցանիշների տեսքով, ետ է բերվելու։ Գուցե կլինեն այնպիսի կազմակերպություններ, որոնք չեն կարողանա վերականգնվել, բայց՝ ոչ ոլորտներ։ Կարծում եմ՝ 2021 թվականին կարող ենք վերականգնել տնտեսությունը, ավելի ճիշտ՝ նորովի կձևավորել այն»։
Մանրամասները՝ տեսանյութում:
Մերի Մարտիրոսյան
