Կորոնավիրուսային հիվանդությանը սպասարկելու համար շուրջ 2000 մահճակալ է առանձնացվել 9 հիվանդանոցներում, որոնք սպասարկում են պացիենտներին։ «Նորք» ինֆեկցիոն հիվանդանոցում կառուցվել է 35 սպասասենյակ ունեցող մոդուլ։ Այսօրվանից գործելու է կորոնավիրուսային հիվանդության կասկածով պացիենտների ևս մեկ ընդունման և ախտորոշման կենտրոն, որը կունենա 132 մահճակալ։
Պարետատան նիստից հետո տեղի ունեցած ճեպազրույցում այս տվյալները ներկայացնելով՝ ՀՀ վարչապետ Նիկոլ Փաշինյանն ասաց՝ կորոնավիրուսով վարակվելու այսօրվա տեմպի պայմաններում մահճակալների թիվը չի կարող համարվել բավարար։
«Աշխարհի ամենազարգացած քաղաքաներից Նյու Յորքում ստեղծվել էր ճիշտ նման իրավիճակ։ Հատել ենք դժոխքի սահմանը, բայց հումանիտար աղետ դեռ չենք ապրում։ Այս իրավիճակի լուծման համար կարևոր է ընդամենը մեկ մարդու ջանքը և դիրքորոշումը,և այդ մեկ մարդը դու ես»,- ասաց նա։
Մանրամասները՝ տեսանյութում։
