19.12.2025 | 18:21
Ադրբեջանական բենզինը Հայաստան հասավ // ՌԴ-ն և Ուկրաինան զոհվածների մարմիններ են փոխանակել․ ԼՈՒՐԵՐ
2019-ի պետբյուջեի պակասորդը նախորդ տարվա համեմատ նվազել է 41,4 մլրդ դրամով. Ջավադյան. ՏԵՍԱՆՅՈՒԹ
Տնտեսություն
05.06.2020 | 13:37
2019 թվականի ընթացքում պետական բյուջեի կատարումն ընթացել է հարկաբյուջետային կանոնների պահպանման սկզբունքի ներքո, նպաստել է պետական պարտքի կայունության ապահովման նպատակի իրագործմանը: Այս մասին այսօր Ազգային ժողովի մշտական խորհրդարանական հանձնաժողովների համատեղ նիստում 2019 թվականի պետբյուջեի կատարողականի քննարկմանն ասաց ՀՀ Կենտրոնական բանկի նախագահ Արթուր Ջավադյանը:
Ջավադյանի խոսքով՝ 1.3 տոկոսով նվազել է 2019 թվականի ՀՀ Կառավարության՝ պարտք-ՀՆԱ ցուցանիշը և կազմել 50 տոկոս:
Տնտեսական բարձր աճի և հարկային բարեփոխումների իրականացման պայմաններում, ըստ ԿԲ նախագահի, Կառավարությունը տարվա ընթացքում վերանայել է բյուջեի եկամուտների ծրագիրը՝ աճի ուղղությամբ:
«Տարվա արդյունքում պետբյուջեի եկամուտների աճը կազմել է 16․7 տոկոս, իսկ հարկերի և տուրքերի գծով աճը՝ 16․4 տոկոս»,- հավելեց նա:
Արթուր Ջավադյանը նշեց նաև, որ հարկաբյուջետային զսպող քաղաքականության պայմաններում 2019 թվականի պետբյուջեի պակասորդը, նախորդ տարվա համեմատ, նվազել է 41.4 միլիարդ դրամով և կազմել ՀՆԱ-ի 1 տոկոսը, ինչը զսպող ազդեցություն է ունեցել համախառն պահանջարկի վրա։
Մանրամասները՝ տեսանյութում։
