09.10.2026 | 22:57
Կարո՞ղ է Իսրայելը բաժանել Բաքվին և Անկարային․ ինչի կարող են հանգեցնել վերջին հակասությունները․ BBC-ի անդրադարձը
Հնարավոր է, որ COVID-19-ն իսկապես բարձրացնում է Կավասակիի սինդրոմի ռիսկերը․ համաճարակաբան. ՏԵՍԱՆՅՈՒԹ
Հասարակություն
04.06.2020 | 16:21
Կավասակիի հիվանդությունը նորություն չէ։ Սա միջին տրամաչափի անոթների բորբոքում է, որը կարող է լինել տարբեր հիվանդությունների հետևանք, ոչ միայն COVID-19-ի։ Սակայն, հնարավոր է, որ կորոնավիրուսն իսկապես բարձրացնում է Կավասակիի սինդրոմի ռիսկերը։
Այս մասին այսօր՝ կորոնավիրուսի միֆերի վերաբերյալ մասնագիտական քննարկման ընթացքում Factor.am-ի հարցին ի պատասխան նշեց համաճարակաբան Հռիփսիմե Ապրեսյանը։
«Հայաստանում մինչ այս շուրջ 50 դեպք է նկարագրված։ Տարբեր պոպուլյացիաներում տարածվածությունը տարբեր է։ Օրինակ՝ Ճապոնիայում 100 հազար բնակչի հաշվով տարեկան 250 դեպք է գրանցվում, իսկ ԱՄՆ-ում՝ 25 դեպք։ Ապրիլի կեսերից, համավարակի ընթացքում, տարբեր երկրներում սկսեցին նկարագրվել Կավասակիի դեպքեր։ Առաջին ահազանգները սկսեցին Ֆրանսիայից, երբ, օրինակ, 10 օրվա ընթացքում մի հոսպիտալում ընդունվեց 17 երեխա՝ Կավասակիի համախտանիշով, այն դեպքում, երբ նույն հոսպիտալը 2 շաբաթում մեկ դեպք էր գրանցում։ Եվ սա կապվեց այս երեխաների մոտ դրական COVID-19-ի հետ։ Նմանատիպ ահազանգներ սկսեցին գալ նաև այլ երկրներից»,- ասաց համաճարակաբանը։
Մանրամասները՝ տեսանյութում։
Նելլի Մելքոնյան
