28.11.2024 | 16:28
Հուսով ենք՝ առաջիկայում Հայաստանը կվերադառնա ՀԱՊԿ-ին լիարժեք մասնակցությանը․ Տասմագամբետով
Մոսկվայում դիմակ կրելու պահանջը կարող է պահպանվել մինչև 2021-ի փետրվար․ Deutsche Welle
Քաղաքականություն
04.06.2020 | 13:21
Կորոնավիրուսի համավարակով պայմանավորված՝ Ռուսաստանի մայրաքաղաք Մոսկվայում պարտադիր դիմակ կրելու պահանջը պահպանվելու է մինչև հոկտեմբեր։ Այս մասին ՏԱՍՍ լրատվական գործակալության հետ զրույցում հայտնել է Մոսկվայի քաղաքապետ Սերգեյ Սոբյանինը․ հաղորում է Deutsche Welle-ն։
Նա նշել է, որ կախված իրավիճակից՝ դիմակ կրելու պահանջը կարող է նաև մինչև 2021 թվականի փետրվար պահպանվել։ «Ամեն ինչ կախված է նրանից, թե երբ կհայտնվի կորոնավիրուսի դեմ զանգվածային պատվաստանյութը։ Ուզում եմ հավատալ, որ հոկտեմբերին մենք կստանանք պատվաստանյութի առաջին մեծ խմբաքանակը։ Մեկ տարուց մենք ամբողջությամբ կվերադառնանք նախկին կենսակերպին»,- ասել է Մոսկվայի քաղաքապետը։
Սոբյանինը տեղեկացրել է նաև, որ կորոնավիրուսի համավարակը հաղթահարելուց հետո քաղաքացիների տեղաշարժի մասին բոլոր այն տվյալները, որոնք այս ընթացքում հավաքագրվում էին՝ հակահամաճարակային միջոցառումների շրջանակում, կոչնչացվեն։
Հավելենք, որ ըստ worldometers.info վիճակագրական կայքի՝ վերջին 1 օրում Ռուսաստանում COVID-19-ի 8․831 նոր դեպք է հայտնաբերվել՝ հաստատված դեպքերի ընդհանուր թիվը հասցնելով 441․108-ի։ Կորոնավիրուսից մահվան դեպքերը երկրում 5․384-ն են։
Նելլի Մելքոնյան
