10.08.2026 | 22:12
ԱՄՆ-ը, Հայաստանը և Ադրբեջանը համատեղ հայտարարություն են տարածել Վաշինգտոնի խաղաղության գագաթնաժողովի տարեդարձի առթիվ
Քիչ-քիչ մոտենում ենք Երվանդ Զախարյանի շրջանին, Մարությանն անցել է դրան․ Խաժակյանը՝ վիճահարույց շինարարության դեպքի մասին. ՏԵՍԱՆՅՈՒԹ
Հասարակություն
04.06.2020 | 11:30
Երբ ամեն անգամ ասում եմ, որ Հայկ Մարությանը, որպես քաղաքապետ, այնպիսի գործողություններ է անում, որոնց վրա ես է՛լ ավելի շատ եմ զարմանում, շատերը մտածում են՝ չափազանցություն է։ Բայց հիմա ես էլի տեսա մի բան, որը չէի սպասում։ Ֆեյսբուքյան ուղիղ եթերում այս մասին ասաց Երևանի ավագանու «Լույս» խմբակցության ղեկավար Դավիթ Խաժակյանը։
Ավագանու անդամն ասաց՝ մայրաքաղաքի Կենտրոն վարչական շրջանում է՝ Տպագրիչների փողոցում, որտեղ շենքերից մեկի տակ փորման աշխատանքներ են իրականացվում անմիջապես մայթին։
«Այստեղ պետք է դուռ բացվի։ Այսինքն՝ այս շենքի հիմքը պետք է փորվի, որն արդեն առաջին հարկի բնակչի մոտ ներսում ճաքեր է առաջացրել, և նկուղային բան կառուցվի։ Սա ինքնակամ շինություն չէ, քաղաքապետարանի կողմից թույլատրված, ըստ էության, մայթի զավթում է, շենքի հիմքերը խարխլող գործողություն է, որն աղավաղում է ամբողջ շենքի արտաքին վիճակը։ Եվ սա թույլ է տրվել 2019 թվականի դեկտեմբերին Հայկ Մարությանի կողմից»,- ասաց Դավիթ Խաժակյանը։
Նա նշեց՝ շինթույլտվության համար ստորագրել են ոչ թե շենքի հենց այդ հատվածի, այլ մյուս թևի բնակիչները։
«Այսպես քիչ-քիչ մոտենում ենք Երվանդ Զախարյանի ժամանակաշրջանին, Մարությանն անցել է դրան։ Կա շինթույլտվություն, ես բնակիչներին ասում եմ, որ սա հնարավոր չէ այլ կերպ, քան դատական կարգով լուծել։ Մենք այստեղ անելիք չունենք»,- ասաց ավագանու անդամը։
Մանրամասները՝ տեսանյութում։
