17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Կոչ եմ անում մերժել, ծաղրել չիպավորման, 5G կայանների մասին խոսակցություններ տարածողներին․ԿԳՄՍ նախարար. ՏԵՍԱՆՅՈՒԹ
Հասարակություն
30.05.2020 | 14:29
Ավելորդ շփումների պակասեցում, դիմակի կրում և սոցիալական հեռավորության պահպանում․ այս երեք բաղադրիչները եթե պահում ենք, ըստ էության, զրոյի ենք մոտեցնում վարակվելու հնարավորությունը և սեպտեմբերի 1-ից դասերը լիարժեք սկսելու հնարավորությունը։ Այս մասին այսօր ֆեյսբուքյան ուղիղ հեռարձակման ընթացքում նշեց ՀՀ կրթության, գիտության, մշակույթի և սպորտի նախարար Արայիկ Հարությունյանը։
«Կորոնավիրուսի այս տարածումը և արտակարգ դրությունը, ըստ էության, պատերազմ է և պատերազմական վիճակ՝ առանց ճակատի, և մենք այո՛, պետք է պատրաստ լինենք շատ տարբեր սցենարների։ Մեզ համար շատ ցանկալի է դասերը սկսել սեպտեմբերի 1-ից, բայց մենք նաև պետք է պատրաստ լինենք հեռավարին»,- ասաց Արայիկ Հարությունյանը։
ԿԳՄՍ նախարարը նաև կորոնավիրուսի վերաբերյալ այս օրերին տարածվող ապատեղեկատվությանն անդրադարձավ։ «Կոչ եմ անում զանգվածաբար մերժել ապատեղեկատվությունը։ Այն անհեթեթ, անգրագետ, տգետ խոսակցությունները՝ չիպավորումների, 5G կայանների, պատվաստանյութերի մասին, մերժել, ծաղրել նման տեղեկատվություն տարածողներին, սոցիալական ցանցերում բլոկ անել բոլորին»,- նշեց նախարարը։
Մանրամասները՝ տեսանյութում։
Նելլի Մելքոնյան
