09.10.2026 | 15:58
Վերացնել կալանքը, դադարեցնել հետապնդումը․ Արթուր Դանիելյանի գործի առնչությամբ 11 ՀԿ-ներ հայտարարություն են տարածել
Ատկատների մասին խոսելիս ունեցեք փաստեր, այլապես Ձեր խոսքն արժեզրկվում է․ Գորգիսյանը՝ Փաշինյանին. ՏԵՍԱՆՅՈՒԹ
Քաղաքականություն
27.05.2020 | 17:48
Խոսվում է, որ կապիտալ շինարարությունում մեծ գումար է ներդրվելու, բայց, կարծես թե, չկա, հունիսն է արդեն: Այսօր ԱԺ-ում Կառավարության հետ հարցուպատասխանի ժամանակ ասաց «Լուսավոր Հայաստանի» պատգամավոր Գևորգ Գորգիսյանը։
«Մենք շատ անգամ ենք ասել խոչընդոտների մասին՝ բանկային երաշխիքների տեսքով։ Աշխատանքը կանգնել է, ի՞նչ քայլեր ենք անում, որպեսզի այդ աշխատանքը կյանքի կոչվի»,- հարց ուղղեց պատգամավորը:
«Բանկային երաշխիքի ինստիտուտը, պարզ ասեմ, չի վերացվելու, որովհետև նրանք, ովքեր ուզում են, որ դա վերացվի, նրանք լոբբինգ են անում, որ Հայաստանում ասֆալտի ատկատների մեխանիզմը շարունակվի: Ես չգիտեմ, կարող է՝ իշխանությանը հիմա ատկատ այլևս չեն տալիս, սկսել են ատկատ տալ ընդդիմությա՞նը, բայց դա չի վերացվելու։ Ուզում եք՝ օրը հազար անգամ այդ մասին հարցրեք, ոչ մի կապիտալ շինարարություն չի կանգնել»,- պատասխանեց վարչապետ Նիկոլ Փաշինյանը:
Գևորգ Գորգիսյանն արձագանքեց․ «Կոչ եմ անում, պարո՛ն վարչապետ ջան, ատկատների մասին խոսելիս ունենալ որոշակի փաստեր, այլապես Ձեր խոսքն արժեզրկվում է»:
Մանրամասները՝ տեսանյութում։
