26.04.2026 | 13:38
ՃՏՊ Գեղամասար բնակավայրում․ կա տուժած
«Հարգելի դատարան». փոխնախարարի զվարճալի դիմելաձևը Նիկոլ Փաշինյանին. ՏԵՍԱՆՅՈՒԹ
Տեսանյութեր
27.05.2020 | 11:58
Ներկայում գործող օրենսդրությամբ՝ ցանկացած բողոքի կամ վարչական հայցի հիման վրա շինարարությունը կարող է, ասենք, 5 տարի կասեցվել, և եթե վերջում պարզվի, որ շինարարը ճիշտ էր, բողոքն անհիմն էր, ո՞վ է փոխհատուցում շինարարության սեփականատիրոջ վնասները: Այսօր՝ մայիսի 27-ին Կառավարության նիստում նման հարցադրում արեց վարչապետ Նիկոլ Փաշինյանը:
«Ասենք, մարդը 10 մլն դոլարի վարկ է վերցրել, սկսել է շինարարությունը, մեկ էլ կողքի տաղավարի սեփականատերը, որի տարեկան շրջանառությունը 500 հազար դրամ է, դատի է տալիս, և դատավարությունը 5 տարի տևում է: Այդ ընթացքում շինարարությունը կասեցվում է, վարկառուն վարկն է սպասարկում՝ առանց եկամուտ ստանալու: Վերջում դատարանը որոշում է, որ տաղավարի սեփականատիրոջ հայցն անհիմն է: Այդ 10 մլն դոլար վարկ վերցնողի վնասը որևէ մեկը փոխհատուցո՞ւմ է»,- հարցրեց Փաշինյանը:
Արդարադատության փոխնախարար Ռաֆիկ Գրիգորյանը շփոթվեց ու պատասխանեց. «Ո՛չ, պարոն դատարան»: Սա համընդհանուր ծիծաղ առաջացրեց:
Նշենք, որ Կառավարությունն այսօրվա նիստում հավանություն տվեց օրենքի նախագծին, որով սահմանվում է, որ անկախ բողոքի առկայությունից՝ շինարարությունը ավտոմատ չի կասեցվում, այլ կասեցվում է համապատասխան հիմքերի առկայության դեպքում:
Մանրամասները՝ տեսանյութում։
