18.11.2024 | 11:30
ՆԳ նախարար Վահե Ղազարյանը հրաժարականի դիմում է ներկայացրել
Ինչո՞ւ ԱԺ հանձնաժողովում պատգամավորների մեծ մասը դիմակ չի կրում
18.05.2020 | 12:59
Այսօր Ազգային ժողովում տեղի ունեցավ Մարդու իրավունքների պաշտպանության և հանրային հարցերի մշտական հանձնաժողովի նիստը։ Ներկա անդամների մեծ մասը նիստին մասնակցում էին առանց պաշտպանիչ դիմակի։ Մինչդեռ ՀՀ պարետ, փոխվարչապետ Տիգրան Ավինյանի որոշմամբ՝ այսօրվանից փակ տարածքներում դիմակ կրելը պարտադիր է, իսկ բացօթյա վայրերում գտնվելիս անձի մոտ պարտադիր պետք է առկա լինի դիմակը, որպեսզի փակ վայր մուտք գործելիս այն կրեն։
Ինչո՞ւ ԱԺ-ում պարետի որոշումը չի պահվում, այս հարցով մեկնաբանության համար Factor TV-ն դիմեց ԱԺ աշխատակազմի ղեկավար Տիգրան Գալստյանին։
«Հանձնաժողովների մասով հանձնաժողովների ղեկավարների պատասխանատվությամբ է. այսինքն, իրենք կարող են պահանջել կամ ոչ հանձնաժողովների անդամներից, որպեսզի վերջիններս դիմակ կրեն։ Մենք տրամադրում ենք դիմակներ, ապահովում ենք դրանցով, բայց չենք կարող պահանջել որպես այդպիսին, որպեսզի կրեն։ Ամեն դեպքում, իրենց իրավունքն է դիմակները կրելու, աշխատակազմը լիարժեք տրամադրում է դիմակներ և ձեռնոցներ»,- ասաց Գալստյանը։
Նշենք, որ Մարդու իրավունքների պաշտպանության և հանրային հարցերի հանձնաժողովի նիստն այսօր վարում էր հանձնաժողովի նախագահի տեղակալ Անի Սամսոնյանը։
Հանձնաժողովի նախագահ Նաիրա Զոհրաբյանը ներկա չէր։ Մեկնաբանություն ստացանք նաև Անի Սամսոնյանից։
«Թող շրջաբերական իջեցնեն աշխատակազմից այդ հարցով։ Թե չէ ասել, որ հանձնաժողովի նախագահի պատասխանատվությամբ պետք է լինի, դա պատասխանատվությունն իրենց վրայից գցել է նշանակում։ Պատգամավորները չափահաս մարդիկ են եւ մենք չենք կարող իրենց պարտադրել, որ դիմակ կրեն»։
Մերի Մարտիրոսյան
