18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Ինչո՞ւ չեք արձագանքում Խառատյանների ընտանիքի թիրախավորմանը. պատգամավորը` ՄԻՊ-ին. ՏԵՍԱՆՅՈՒԹ
Հասարակություն
11.05.2020 | 16:33
Մարդու իրավունքների պաշտպանն ընկալվում է որպես քաղհասարակության դաշնակից, հետևաբար՝ ինչո՞ւ, երբ ատելության խոսք, թիրախավորում, ընդհանուր առմամբ՝ ՀԿ սեկտորի նկատմամբ թիրախավորված գործություններ են տեղի ունենում, ՄԻՊ-ը ուշադրություն չի դարձնում։ Այսօր Ազգային ժողովում ՄԻՊ տարեկան զեկույցի ներկայացման ժամանակ հարց ուղղեց «Իմ քայլը» խմբակցության պատգամավոր Սոս Ավետիսյանը Արման Թաթոյանին։
«Մասնավորապես՝ թե՛ հարգարժան Խառատյանների ընտանիքի նկատմամբ, Մարությանի ընտանիքի նկատմամբ, հնչում են խոսքեր, և Մարդու իրավունքների պաշտպանը պետք է այդ հարցը բարձրացնի պետության առջև»,- նշեց պատգամավորը։
«Ես արել եմ հայտարարություն, և ծավալուն հայտարարություն, կուղարկեմ անձամբ Ձեզ, որը վերաբերում էր ատելության խոսքին, քաղհասարակության պաշտպանությանը հենց այդ իրադարձությունների հետ կապված»,- արձագանքեց Թաթոյանը։
Մանրամասները՝ տեսանյութում։
