20.04.2026 | 16:45
Սերժ Սարգսյանի ստորագրած հողամասի վաճառքի դիմաց ՀՀ-ին կվերադարձվի 78.8 մլն դրամ․ Դատախազություն
Ոստիկանին հայհոյանքը դիտվում է որպես խոսքի ազատություն, ի՞նչ կարծիք ունեք․ Ենգիբարյանը՝ Թաթոյանին. ՏԵՍԱՆՅՈՒԹ
Հասարակություն
11.05.2020 | 14:53
Ոստիկանների կողմից հաճախ որևէ գործողության ընթացքում թեթև մարմնական հպումը առաջացնում է պատասխանատվություն, ու հաճախ մեր ոստիկաններն օրերով ստիպված են լինում բացատրություններ տալ, մինչդեռ ոստիկանի նկատմամբ հայհոյանքը դիտվում է որպես խոսքի ազատություն։ Այս մասին այսօր Ազգային ժողովում հայտարարեց «Իմ քայլը» խմբակցության պատգամավոր Վիկտոր Ենգիբարյանը՝ դիմելով մարդու իրավունքների պաշտպան Արման Թաթոյանին։
«Ի՞նչ կարծիք ունեք Ոստիկանության կամ ԶՈՒ-ում ծառայող անձանց հավելյալ պաշտպանվածություն առաջարկելու հետ կապված»,- նշեց պատգամավորը։
«Եթե մենք ունենք ձերբակալված անձի պահման վայրի աշխատող, որը ստանում է 60-70 հազար դրամ աշխատավարձ, և մենք ամենաբարձր պահանջներ ենք դնում այդ ծառայողի նկատմամբ, հնարավորություն չենք տալիս, որպեսզի նա կտրվի այլ գործերից, միջազգային բարձր պահանջներին համապատասխան աշխատանք դժվար է»,- նշեց Թաթոյանը։
Օմբուդսմենը նաև ընդգծեց, որ խնդիրը հաճախ գալիս է նրանից, որ ոստիկանները միշտ պետք է պետության դիրքերից խոսեն քաղաքացու հետ. «Այդ դեպքում մենք կունենանք և՛ ուժեղ Ոստիկանություն, և՛ նաև քաղաքացու իրավունքների առավել բարձր պաշտպանվածություն»։
Մանրամասները՝ տեսանյութում։
