19.12.2025 | 21:03
Բաքուն Ռուբեն Վարդանյանի մասին քարոզչական ֆիլմ է պատրաստել
Մեկնարկել են պետական պատմամշակութային վայրերի բարեկարգման աշխատանքները
22.04.2020 | 17:40
Տարվա այս շրջանում հուշարձանների պահապանները ջանում են պատմամշակութային վայրերը հնարավորինս զերծ պահել բուսածածկույթից՝ իրականացնելով մաքրման աշխատանքներ, որին կհաջորդի քիմիական նյութերի կիրառումը:
Այս մասին «Արցախպրես»-ի թղթակցի հետ զրույցում ասել է ԱՀ մշակույթի, երիտասարդության հարցերի և զբոսաշրջության (ՄԵՀԶ) նախարարության «Պատմական միջավայրի պահպանության պետական ծառայություն» ՊՈԱԿ-ի տնօրեն Արմինե Հայրապետյանը՝ նշելով, որ, կապված Նոր կորոնավիրուսի համաճարակի հետ, որոշ աշխատանքներ չնայած դադարեցվել, կամ հետաձգվել են, սակայն շրջանային ծառայություններն ու արգելոցները շարունակում են իրենց գործունեությունը։
Նրա խոսքով՝ չնայած համավարակին՝ շաբաթօրյակներ ու ստուգայցներ են իրականացվում հանրապետության շրջաններում։
«Բարեկարգման աշխատանքներ են տարվում «Տիգրանակերտ» պետական պատմամշակութային արգելոցում։ Բացի մեծ հուշարձանախմբից, այդտեղ առկա է նաև դենդրոպարկ, և այս օրերին զբաղված ենք նաև այգու ծառերի խնամքով։ Ինչ վերաբերում է ուսումնասիրություններին, ասեմ, որ այդ ուղղությամբ դեռևս մեծ ակտիվություն չկա: Հուսանք՝ կհաղթահարենք համավարակը և կանցնենք մեր բնականոն գործընթացին՝ իրականացնելով պեղումներ, հետազոտություններ, հուշարձանների վկայագրում և այլն»,- մասնավորապես ասել է Ա. Հայրապետյանը։
