02.02.2026 | 13:40
Հայաստանում սուր շնչառական վարակների դեպքերը նվազել են
Օֆշորային սկանդալում հայտնված Թուրքիայի վարչապետի որդիների հարցը չի քննարկվի մեջլիսում
Քաղաքականություն
09.11.2017 | 13:04
Թուրքիայի Խորհրդարանում մերժվել է երկրի քրդամետ «Ժողովուրդների դեմոկրատական կուսակցության» (HDP-ԺԴԿ) առաջարկը, որով կոչ էր արվում հետաքննել այն օֆշորային սկանդալը, որի մեջ ներգրավված են Թուրքիայի վարչապետ Բինալի Յըլդըրըմի 2 որդիները:
Ըստ թուրքական «Diken» թերթի կայքի՝ առաջարկը մերժվել է, քանի, որ խորհրդարանում մեծամասնություն կազմող իշխող «Արդարություն և զարգացում» կուսակցությունը (AKP-ԱԶԿ) դեմ է քվեարկել այդ առաջարկին. փոխանցում է ermenihaber-ն:
Թուրքական աղբյուրը նշում է, որ նոյեմբերի 9-ին նմանատիպ առաջարկով խորհրդարանում հանդես է գալու երկրի ընդդիմադիր քեմալական «Ժողովրդահանրապետական կուսակցությանը» (CHP-ԺՀԿ):
Հիշեցնենք, որ «Հետաքննող լրագրողների միջազգային կոնսորցիումը» (ISIJ) «Դրախտի թղթերի» հրապարակումից հետո օֆշորային սկանդալի կենտրոնում էին հայտնվել Թուրքիայի վարչապետ Բինալի Յըլդըրըմը և նրա որդիները: Փաստաթղթերից հայտնի էր դարձել որ վարչապետի որդիները՝ Էրքամ Յըլդըրըմ, Բյուլենթ Յըլդըրըմ Մալթայում ունեն 5 ընկերություններ (Hawke Bay Marine Co, Black Eagle Marine, South Seas Shipping N.V., Dertel Shipping Limited, Nova Warrior Limited.): Պարզվել էր նաև որ Յըլդըրըմի որդիներից բացի հորեղբայր Յըլմազ Յըլդըրըմը նույնպես օֆշորային գոտում իր անվամբ գրանցված 2 ընկերություն ունի:
