21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Մոսկվայում մայիսի 9-ի տոնական միջոցառումները հետաձգելու որոշում չի ընդունվել. Պեսկով
Քաղաքականություն
13.04.2020 | 14:41
Մոսկվայում Հաղթանակի օրվա շքերթը հետաձգելու որոշում չի ընդունվել: Այս մասին հայտնել է Կրեմլի խոսնակ Դմիտրի Պեսկովը, գրում է ՌԻԱ Նովոստին:
Նա, միաժամանակ, չի բացառել, որ նման միջոցներ կձեռնարկվեն, եթե կորոնավիրուսի հետ կապված իրավիճակը բացասական զարգացումներ ունենա: Պեսկովը հավելել է, որ ներկայում տարբերակներ են քննարկվում:
«Մի բան կարող եմ ասել. Հաղթանակի շքերթն ու Հաղթանակի օրվա տոնակատարություններ կլինեն անպայման: Չգիտեմ՝ դա կլինի մայիսի 9-ին, թե՞ ավելի ուշ, բայց անպայման կլինի, քանի որ այլ կերպ անհնար է պատկերացնել»,- ամփոփել է Պեսկովը:
Մինչ այդ, ՌԴ երիտասարդական շարժումները տարբեր ծրագրեր են մշակում. վետերանների պատուհանների մոտ համերգներ, Հայրենական պատերազմի հերոսների ընտանիքների մասին տեսահոլովակներ, հեղինակային երգերի մրցույթներ և այլն, հաղորդում է Radiosputnik.ria.ru-ն:
