18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Եվրոպան կարող է փակել իր սահմանները մինչև աշուն. Մակրոն
Քաղաքականություն
11.04.2020 | 20:05
Եվրոպայի Շենգենյան գոտին կարող է փակ պահել իր սահմանները մինչև սեպտեմբեր՝ ԱՄՆ-ից եկող COVID-19- ի սպառնալիքից պաշտպանվելու համար: Այս մասին ասել է Ֆրանսիայի նախագահ Էմանուել Մակրոնը արհմիությունների ղեկավարների հետ տեսակապի ժամանակ, գրում է Forbes-ը։
Ըստ Մակրոնի՝ պատճառն այն է, որ համաճարակը տարբեր երկրներում տարբեր տեմպերով է զարգանում, և «չի ազդել բոլոր երկրների վրա միևնույն ժամանակ»։ Ուստի, Եվրոպան պետք է իրեն պաշտպանի բարձր ռիսկային երկրներից եկող ճանապարհորդների միջոցով վարակի տարածման սպառնալիքից:
Էմանուել Մակրոնը, մասնավորապես, նշել է Միացյալ Նահանգների օրինակը, որտեղ կորոնավիրուսային ճգնաժամը մի քանի շաբաթով երկարաձգվում է, և այդ պատճառով գագաթնակետին կհասնի ավելի ուշ: Բայց, սրան զուգահեռ, կա Աֆրիկայի օրինակը, որտեղ իրավիճակն այլ կերպ է զարգանում, իսկ Ասիայում կարող է տեղի ունենալ երկրորդ բռնկումը։
Ապրիլի 13-ին Ֆրանսիայի նախագահը ծրագրում է դիմել քաղաքացիներին: Ամենայն հավանականությամբ, կհայտարարվի սահմանների, այդ թվում ՝ ԵՄ երկրների միջև սահմանների փակման ժամկետի մասին։
Նշենք, որ Մակրոնի այս հայտարարությունից 2 օր առաջ Ելիսեյան պալատը հայտնեց Ֆրանսիայի սահմանները փակ պահելու որոշումը ևս 1 ամսով երկարաձգելու մասին:
