14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պարո՛ն Փաշինյան, ինչո՞ւ եք աչք փակում Արցախում ընտրախախտումների վրա․ հարց՝ վարչապետին. ՏԵՍԱՆՅՈՒԹ
Քաղաքականություն
06.04.2020 | 20:16
«Պարո՛ն Փաշինյան, Արցախի ընտրությունների վրա աչք մի՛ փակեք, նշեցիք, որ բարձր մակարդակի ընտրություններ են եղել, բայց համացանցը լիքն է ընտրախախտումների մասին փաստող բազմաթիվ տեսահոլովակներով, ինչո՞ւ եք աչք փակում այդ ամենի վրա»,- ուղիղ եթերում այսպիսի հարց հնչեց՝ ուղղված վարչապետ Նիկոլ Փաշինյանին։
Նա պատասխանեց, որ Արցախի ընտրություններն արտահայտում են ուժերի այն հարաբերակցությունը, որ այսօր կա Արցախում:
«Հիմա ընտրությունների որակի հետ կապված. ոչ ոք չի ասում, թե ընտրախախտում չի եղել, հարցն այն է, թե այդ ընտրախախտումները ինչքանով են ազդել արդյունքների վրա։ Եթե խոսքը կեղծիքների մասին է, նախագահի թեկնածու Արայիկ Հարությունյանին առաջին փուլում հաղթելու համար չի հերիքել 600 ձայն։ Եթե ընտրությունները կեղծվում են, 600 ձայնի առաջ կկանգնի՞ որևէ կեղծող մեքենա։ ԱԺ ընտրություններում երկրորդ և երրորդ տեղերը գրավել են ընդդիմադիրները։ ՀՀ-ի ընտրություններին այն ժամանակներում երբեք այսպիսի բան չէիք տեսնի։ Եթե կեղծում են ընտրությունները, ինչի՞ են թողնում, որ կոշտ ընդդիմադիրները գրավեն երկրորդ և երրորդ տեղեր, այլ՝ ոչ լոյալ ուժերը։ Ընտրությունները չեն եղել կատարյալ, և մենք պետք է Արցախին հետագայում էլ աջակցենք ժողովրդավարության զարգացման գործում»,- ասաց Նիկոլ Փաշինյանը։
Մանրամասները՝ տեսանյութում:
