16.12.2025 | 11:12
ՀՀ-ում հավատարմագրված դեսպանները հյուրընկալվել են ԱԳՆ-ում․ տեղի է ունեցել տոնածառի լույսերի վառման արարողություն
Ո՞ւմ էր ակնարկում Փաշինյանը և ի՞նչ բարեգործություն է արել «Իքս» մարդը. ՏԵՍԱՆՅՈՒԹ
Քաղաքականություն
06.04.2020 | 20:10
Հակակոռուպցիոն գործերի քննության ընթացքից ես գոհ չեմ, մենք վերջերս մի քանի խորհրդակցություն ենք արել, ես մի քանի կոնկրետ հանձնարարականներ եմ տվել, որ այդ գործերի արդյունավետությունն էականորեն ավելանա: Այս մասին այսօր՝ ապրիլի 6-ին, ֆեյսբուքյան ուղիղ եթերում քաղաքացիների հարցերին պատասխանելիս հայտարարեց ՀՀ վարչապետ Նիկոլ Փաշինյանը:
«Մենք փորձել ենք դուրս բերել պատճառները, թե որտեղ են, որ կան օբյեկտիվ պատճառներ, որտեղ կան սուբյեկտիվ պատճառներ, որ այդ գործերն արդյունավետ կերպով առաջ չեն ընթանում: Իմ գործընկերները գիտեն, որ եթե արդյունավետությունը չբարձրանա, մենք այլ կարգի որոշումներ պետք է կայացնենք»,- ասաց Փաշինյանը:
Հարցին՝ դեռ որքան հայ ժողովուրդը պետք է սպասի, որ նախկին կոռումպացված թալանչիների գույքն ու միլիարդավոր դոլարների թալանը վերադարձվի, Փաշինյանն արձագանքեց. «Խնդիրը այդ բռնագանձված գումարները չեն: Խնդիրն այն է, որ 2018-ից ի վեր մինչև այս պահը Հայաստանի բյուջեի եկամուտներն ավելացել են 1 մլրդ 100 մլն դոլարով: Դա՝ ի կատարումն իմ նախահեղափոխական խոստման, որ առաջին 1-2 տարում բյուջեի եկամուտները պետք է աճեն 30-35 տոկոսով: Հիմա դրանք աճել են 40-45 տոկոսով: Բա այդ փողը օդից ընկա՞վ: Դա ստվերի դեմ պայքարն է, մենաշնորհների դեմ պայքարն է, կոռուպցիայի դեմ պայքարն է»:
Այնուհետև վարչապետն անդրադարձավ նաև բարերարներից մեկի կատարած բարեգործությանը:
««Իքս» մարդը «իքս» տեղում «իքս» օգնություն է բաժանել, և սրա մասին լայնածավալ ռեպորտաժներ են ցուցադրվել: Խնդրեցի մեր մարմիններին պարզել, թե ինչ է բաժանվել և ինչ գումարի շրջանակում: Պարզեցինք, որ մի տոպրակի պարունակությունը երեք հազար դրամ է եղել և մոտավոր բաժանվել է չորս հարյուր հազար դրամի օգնութուն»,- ասաց վարչապետը:
Մանրամասները՝ տեսանյութում:
