22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Ռուսաստանը դադարեցնում է միջազգային ավիահաղորդակցությունը. ՌԻԱ Նովոստի
Քաղաքականություն
03.04.2020 | 21:47
Ռուսաստանը դադարեցնում է իր քաղաքացիներին արտասահմանյան երկրներից հայրենիք վերադարձնելու բոլոր ավիաչվերթները: Այս մասին հայտնում է ՌԻԱ Նովոստին՝ հղում տալով ռուսական խոշոր ավիաընկերություններից մեկում իր աղբյուրին։
Աղբյուրի համաձայն՝ ավիահաղորդակցությունն ամբողջովին կդադարեցվի ապրիլի 4-ի կեսգիշերից: Նշենք, որ կորոնավիրուսային համավարակի ֆոնին Ռուսաստանը մարտի 27-ից դադարեցրել էր կանոնավոր և չարտերային թռիչքները դեպի այլ երկրներ: Բացառություն էին կազմում այն թռիչքները, որոնք կապված էին արտերկրից ռուսաստանցիներին և օտարերկրացիներին իրենց հայրենիք վերադարձնելու հետ, ինչպես նաև բեռներ փոխադրող, փոստային, սանիտարական, հումանիտար և մի շարք այլ թռիչքներ:
Հավելենք, որ ՌԻԱ Նովոստիի տվյալների համաձայն՝ ՌԴ-ում նոր կորոնավիրուսի վարակակիրների թիվը 4149 է, իսկ մահերի թիվը՝ 34։
Նելլի Մելքոնյան
