25.02.2026 | 13:51
Նիկոլ Փաշինյանը փղի արձանիկ է նվեր ստացել հնդիկ գեներալից
Մենք չափից ավելի շատ ենք կանխել խուճապային վիճակը, հիմա չափից ավելի հանգիստ են մարդիկ․ վարչապետ. ՏԵՍԱՆՅՈՒԹ
02.04.2020 | 11:34
«Դա ճիշտ մոտեցում է, մենք չենք ուզում հնարավորինս քիչ դեպք ախտորոշենք, ընդհակառակը: Այստեղ մենք կարող ենք ասել, որ իրավիճակը դեռևս վերահսկելիության շրջանակներում է, սակայն ուզում եմ կրկնել, որ ունենք հետևյալ խնդիրը. կա երկու ծայրահեղություն, որից մեկը խուճապն է, որի կարիքը չկա, և երկրորդը` համատարած հանգստությունը: Մենք սկզբնական շրջանում կարողացանք կանխել խուճապային երևույթները, բայց ոնց հասկանում եմ, չափից շատ ենք կանխել, հիմա չենք կարողանում մեր հանրությանը բերել մի հավասարակշռված վիճակի, քանի որ երկրում տիրում է համատարած հանդարտություն, հանգստություն: Իհարկե, դա լավ է սոցիալ-հոգեբանական տեսանկյունից, բայց համաճարակային տեսանկյունից դա պրոբլեմ է»,-նկատեց նա:
Փաշինյանը շեշտեց, որ այդ հանգստությունն է, որ իրենց համար վտանգ է ստեղծում, որ վարակի տեմպը կարող է ավելանա: «Սիրելի հայրենակիցներ, ես խնդրում եմ այդքան հանգիստ մի վերաբերեք այս պրոբլեմին: Մեծ հաշվով դա հասկանալի է, քանի որ մեր հիվանդների 80 տոկոսը ջերմություն չունի: Եթե սա լիներ մեզ հայտնի վարակ, մենք մեր հիվանդներին կասեինք գնացեք տուն, թեյ խմեք, հեղուկ շատ օգտագործեք և վերջ: Եվ հիմա էլ մեր հիվանդների 80 տոկոսին չենք բուժում, բայց պահում ենք, որ դուրս չգան ու չվարակեն քաղաքացիներին: Հիմա նրանց պարզապես ժամանակ առ ժամանակ թեստ է արվում և երբ կրկնակի անգամ բացասական է ցույց տալիս, դուրս են գրվում հաստատությունից»,-հավելեց նա:
Մանրամասները՝ տեսանյութում։
Լիլիթ Շաբոյան
