22.06.2026 | 12:25
«Մենք ենք մեր սարերը» հուշարձանի քանդման լուսանկարը կեղծ է
Չինաստանում անտառային հրդեհից 19 մարդ է զոհվել. Xinhuanet
Քաղաքականություն
31.03.2020 | 10:34
Չինաստանի հարավարևմտյան Սիչուան նահանգում բռնկված անտառային հրդեհի մարման աշխատանքների ժամանակ 19 մարդ է զոհվել։ Այս մասին հայտնում է Xinhuanet-ը՝ հղում տալով տեղի իշխանություններին։ Զոհվել է 18 հրշեջ և տեղի անտառտնտեսության մեկ աշխատակից, որը հրշեջներին ուղեկցել է դեպի հդեհի բռնկման օջախ։
Քամու ուղղության հանկարծակի փոփոխման պատճառով նրանք կրակի շրջափակման մեջ են հայտնվել։ Արդյունքում 22 մարդ անհետ կորել է։ Ավելի ուշ՝ փրկարարներին հաջողվել է գտնել նրանցից երեքին և հոսպիտալացնել։ Մյուս 19-ին մահացած են գտել։
Աղբյուրի փոխանցմամբ՝ հոսպիտալացված անձանց վիճակը կայուն է։ Ընդհանուր առմամբ՝ հրդեհը 1000 հա հողատարածք և 80 հա անտառային տարածք է ոչնչացրել։ Դրա հետևանքով 1200 տեղաբնակ տարհանվել է։ Հրդեհաշիջման աշխատանքներում 2044 անձ է ներգրավվել։
Նելլի Մելքոնյան
