17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Բարսելոնայում տաքսու հայ վարորդներն առաջարկում են անվճար տեղափոխել բուժաշխատողներին
16.03.2020 | 19:21
Կորոնավիրուսի տարածման հետևանքով ստեղծված իրավիճակում Իսպանիայի Բարսելոնա քաղաքում տաքսի ծառայություն մատուցող ազգությամբ հայ վարորդները բուժաշխատողներին անվճար տեղափոխում են առաջարկում: Այս մասին տեղեկանում ենք Իսպանիայում Հայաստանի դեսպանատան ֆեյսբուքյան էջից։
«Տաքսու հայ վարորդներն այս դժվար պահերին առաջարկում են անվճար տեղափոխել բուժաշխատողներին»,-նշել է դեսպանատունը՝ կիսվելով «Los Armenios» ( իսպ․՝ հայեր ) խմբում տեղադրված հայտարարությամբ։
Բուժաշխատողներին անվճար տեղափոխելու պատրաստակամություն է հայտնել հայազգի 8 վարորդ․ Մարտին Կիրակոսյանը, Անդրանիկ Պետրոսյանը, Աբրահամ Հակոբյանը, Էդգար Ավետիսյանը, Արթուր Մարտիրոսյանը, Արմեն Ազարյանը, Հայկ Եղիկյանը, Դավիթ Փիլոսյանը։ Հայտարարությանը կից հրապարակված են նաև վարորդների հեռախոսահամարները:
Հիշեցնենք, որ կորանավիրուսի վարակակիրների թվով Իսպանիան աշխարհում 4-րդն է։ Վերջին տվյալներով՝ այնտեղ վարակակիրների թիվը 3191 է, իսկ մահացությունների թիվը՝ 309։
Նելլի Մելքոնյան
