02.04.2026 | 18:45
Իրանում ավիահարվածի հետևանքով կարևոր կամուրջ է վնասվել
Իրանի Առողջապահության նախարարությունը BBC-ին մեղադրում է կորոնավիրուսի զոհերի ուռճացված թիվ ներկայացնելու համար
Քաղաքականություն
29.02.2020 | 14:38
Նախօրեին BBC-ն հրապարակել է հոդված, որտեղ, հղում անելով Իրանի հիվանդանոցներում իր աղբյուրներին, նշում է, թե կորոնավիրուսից զոհերի թիվն իրականում 6 անգամ շատ է, քան պաշտոնապես հաղորդվում է:
BBC-ի փոխանցմամբ՝ Իրանում չինական նոր տեսակի կորոնավիրուսից մահացել է 210 մարդ, այլ ոչ 34: Իրանի առողջապահության նախարարության ներկայացուցիչ Քիանուշ Ջահանփուրը BBC-ին մեղադրել է ստահոդ տեղեկություններ տարածելու համար և պնդել, որ հանրությանը ներկայացվող տվյալները թափանցիկ են:
Այս ամենը սկիզբ էր առել այն ժամանակ, երբ իրանցի մի պատգամավոր երկրի իշխանություններին մեղադրել էր մահացությունների իրական թիվը կոծկելու համար:
Պաշտոնական տվյալներով՝ Իրանում չինական նոր տեսակի կորոնավիրուսի վարակակիրների թիվը 400-ի է հասնում, իսկ մահացությունների թիվը 34 է:
Աշխարհում ընդհանուր վարակակիրների թիվը վերջին տվյալներով 85 հազար է, իսկ մահացություններինը գերազանցում է 2900-ը:
