31.08.2026 | 12:10
Փաշինյան-Պուտին հանդիպում կլինի // Հորդառատ տեղումներ են սպասվում․ ԼՈՒՐԵՐ
Դրական եզրակացություն՝ պետռեգիստրում եղած տեղեկությունները ԶԼՄ-ների համար հասանելի դարձնելու նախագծին
Քաղաքականություն
26.02.2020 | 17:27
Պետական գրանցամատյաններում առկա տեղեկությունները ԶԼՄ-ներին անվճար տրամադրելու վերաբերյալ օրենքների նախագծերի փաթեթը դրական եզրակացություն ստացավ ԱԺ գիտության, կրթության, սփյուռքի, մշակույթի և սպորտի հարցերի մշտական հանձնաժողովի կողմից։
Նախագծերի փաթեթը երկրորդ ընթերցմամբ քննարկվելու համար ընդգրկվեց Ազգային ժողովի մարտի 3-ին գումարվելիք հերթական քառօրյայի օրակարգում։
Հանձնաժողովի այսօրվա նիստում «Իմ քայլը» խմբակցության պատգամավոր, տնտեսագետ Արտակ Մանուկյանն ընդգծեց առկա տեղեկությունները ոչ միայն ԶԼՄ-ներին, այլև ամբողջ հանրության համար անվճար հասանելի դարձնելու անհրաժեշտությունը։
«Կարծում ենք՝ մենք հիմա խոսում ենք հանրային բարիքի մասին, և ինձ համար հասկանալի կլինի, որ այս ամբողջը հասանելի դարձնենք ամբողջ հանրության համար։ Կարող է՝ մարդը ԶԼՄ-ից չի, այլ ՀԿ-ից է, և փորձում է հանրային վերահսկողություն իրականացնել»,- նշեց պատգամավորը։
Արդարադատության փոխնախարար Սրբուհի Գալյանն ընդգծեց, որ Կառավարությունը գնալու է այդ ճանապարհով հնարավորինս սեղմ ժամկետներում։
«Այս պահին, եթե հնարավորություն տանք բոլորին հանդիսանալու շահառու կամ օգտատեր, համակարգը չի կարող դիմանալ այդ ճնշմանը և, հնարավոր է, ուղղակի չկարողանա սպասարկել քաղաքացիներին»,- նշեց փոխնախարարը։
