31.08.2026 | 15:24
Մասկը պատրաստ է Ուկրաինային թույլ տալ Starlink-ն օգտագործել ՌԴ-ին հարվածների համար, սակայն անհրաժեշտ է Սպիտակ տան որոշումը․ FT
Ապրիլի 24-ին Վերսալում Ցեղասպանության զոհերի հիշատակին համերգ կկազմակերպվի
Մշակույթ
11.02.2020 | 21:14
Ապրիլի 24-ին ֆրանսական Վերսալի թագավորական մատուռում Հայոց ցեղասպանության զոհերի հիշատակին համերգ կկազմակերպվի:
Վերսալի թագավորական ամրոցի պաշտոնական կայքի տեղեկացմամբ՝ քաղաքն այդ օրը կդառնա այն վայրը, որտեղ «հնարավոր կլինի հայ ժողովրդի ձայնը լսել երաժշտության միջոցով, որը նրա բազմադարյա պատմության խորհրդանիշն է»:
Համերգի ընթացքում կհնչեն Առնո Բաբաջանյանի, Կոմիտասի և Արամ Խաչատրյանի ստեղծագործությունները՝ Մելոդի Լուլեջյանի (սոպրանո), Շուշան Սիրանոսյանի (ջութակ), Աստրիգ Սիրանոսյանի (թավջութակ) ու Վարդան Մամիկոնյանի (դաշնամուր) կատարմամբ:
