14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Իտալական երկու մարզի՝ Լոմբարդիայի և Վենետոյի բնակիչները կողմ են քվեարկել ինքնավարության հանրաքվեին
Քաղաքականություն
23.10.2017 | 10:34
Իտալիայի Լոմբարդիա և Վենետո մարզերի բնակիչները անցկացված խորհրդատվական հանրաքվեների ժամանակ կողմ են քվեարկել ինքնավարության ընդլայնմանը. փոխանցում է ria.ru-ն:
Վենետոյի ընտրական հանձնաժողովը տեղեկացրել է, որ քվեարկողների 98%-ը կողմ է քվերակել ինքնավարության ընդլայնմանը: Ըստ մարզի տեղական ինքնակառավարման մարմինների՝ քվեարկությանը մասնակցել է ընտրողների 57%-ը:
«Սա Վետոյի բնակիչների հաղթանակն է, քաղաքացիական գիտակցության հաղթանակը, այն մարդկանց հաղթանակը, ովքեր ցանկանում են տեր լինել իրենց տանը»,- ասել է Վենետոյի նախագահ Լուկա Ձայան: Նա նաև կայացած հանրաքվեն «պատմական» է համարել և խոստացել է երկուշաբթի սկսել աշխատել պայմանագրի վրա, որն առաջարկվելու է կենտրոնական իշխանություններին:
Իսկ Լոմբարդիայում բնակիչների 95%-ն է կողմ քվեարկել ինքնավարության ընդլայնմանը: Այս մասին հայտնել է մարզի ղեկավար Ռոբերտո Մարոնին:
Նշվում է, որ հանրաքվեին մասնակցել է 3 միլիոն ընտրող և որ կայացած հանրաքվեները պարտադիր որևէ իրավական հետևանք չեն ունենա:
