NBA լեգենդար բասկետբոլիստ Քոբի Բրայանթը մահացել է ավիավթարի պատճառով. հաղորդում են ամերիկյան ԶԼՄ-ները:
Նշվում է, որ դեպքը տեղի է ունեցել Լոս Անջելեսից ոչ հեռու: Անձնական ուղղաթիռում, որը Բրայանթը հաճախ էր վարում, հրդեհ է բռնկվել, նրա հետ եղել են ևս 8 հոգի, այդ թվում նրա 13-ամյա դուստրը:
Կոբի Բրայանթը 41 տարեկան էր և պրոֆեսիոնալ բասկետբոլիստի կարիերան ավարտել էր 2016 թվականին: Նա հինգ անգամ «Լոս Անջելես Լեյքերս»-ի կազմում դարձել է NBA չեմպիոն, 2008 ճանաչվել էր NBA-ի ամենաարժեքավոր բասկետբոլիստ: ԱՄՆ հավաքականի հետ երկու անգամ դարձել էր Օլիմպիական խաղերի չեմպիոն:
NBA-ի պատմության մեջ բոլոր ժամանակների բասկետբոլիստների շարքում նա 33643 միավորով ամենաարդյունավետ չորրորդ բասկետբոլիստն էր: 2018 թվականին արժանացել է «Օսկար»-ի լավագույն կարճամետրաժ անիմացիոն ֆիլմի համար:
