16.12.2025 | 17:51
Բերդ քաղաքի որոշ հասցեներում ջուր չի լինի
«Չեմ կարծում, որ 18 կամ 30 հազար դրամով որևէ ընտանիք կարող է հաղթահարել աղքատությունը». Ժ. Անդրեասյան. ՏԵՍԱՆՅՈՒԹ
Հասարակություն
21.01.2020 | 12:03
Նպաստների տրամադրման համակարգը գործում է անապահովության գնահատման մի եղանակի վրա, որը մեծավմասամբ հիմնված է փորձագիտական գնահատականների վրա: Մենք ունենք չափից դուրս խճճված համակարգ: Խնդիրները բազմազան են, և չեմ կարծում, որ 18 կամ 30 հազար դրամով որևէ ընտանիք կարող է հաղթահարել աղքատությունը. այս մասին այսօր՝ «Կառավարությունը փոխում է աղքատության հաղթահարման համակարգը. արդյոք այն առավել հասցեակա՞ն է» թեմայով քննարկմանը նշեց Աշխատանքի և սոցիալական հարցերի փոխնախարար Ժաննա Անդրեասյանը:
«Առաջարկում ենք աղքատության մակարդակը սահմանել ոչ թե բազմագործոն համակարգով, այլ ընտանեկան եկամտի չափով: Պետք է որդեգրենք նվազագույն երաշխավորված եկամտի չափ և դրանից ցածր եկամուտ ունեցող քաղաքացիներին փոխհատուցենք պակաս մասը»,- ասաց Ժաննա Անդրեասյանը: Ըստ նրա՝ առաջարկում են ընտանիքի եկամուտը չափելիս 2 գործոն հաշվի առնել. « Առաջին գործոնը զբաղվածության ներուժն է. այսինքն՝ ընտանիքում քանի հոգի է աշխատունակ տարիքի: Որպես աշխատունակ տարիք առաջարկում ենք համարել 22-63 տարեկանը: 2-րդ գործոնը ժողովրդագրական ներուժն է, այսինքն՝ ընտանիքում երեխաների թիվը: Որքան շատ է երեխաների թիվը, այնքան մեծանում է տրվող ֆինանսական աջակցության չափը»,- ներկայացրեց փոխանխարարը
Աշխատանքի և սոցիալական հարցերի փոխնախարարի խոսքով՝ առաջարկվող նվազագույն երաշխավորված եկամուտը 60 հազար դրամից մի փոքր ավելի գումարն է լինելու:
Մանրամասները՝ տեսանյութում:
Նելլի Մելքոնյան
