ԱՄՆ նախագահ Դոնալդ Թրամփի՝ Ռուսաստանի հարցով խորհրդականներից մեկը՝ Էնդրյու Պիկը, ժամանակավորապես հեռացվել է աշխատանքից՝ իր դեմ տարվող հետաքննության պատճառով. գրում է РИА Новости-ն:
Նշվում է, որ հետաքննությունը կապված է անվտանգության հետ:
Պիկը պետք է հաջորդ շաբաթ Դոնալդ Թրամփի հետ մեկներ Դավոսի համաշխարհային տնտեսական ֆորում: Սպիտակ տունը և ինքը՝ Պիկը, հրաժարվել են մեկնաբանել:
Հիշեցնենք, որ Պիկը Սպիտակ տան Ազգային անվտանգության խորհրդում 2019-ից զբաղեցնում էր Եվրոպայի ԵՎ ՌԴ-ի հարցերով ավագ տնօրեին պաշտոնը: 2017-19-ին նա եղել է պետքարտուղարի օգնական և զբաղվել Իրաքի և Իրանի հետ կապված հարցերով:
