08.12.2025 | 18:51
Թուրքական ռազմական ավտոշարասյուները Հյուսիսային Սիրիա են մտել․ սա ներխուժման մտավախություններ է առաջացնում. ՏԵՍԱՆՅՈՒԹ
Թուրքիայում արտակարգ դրությունը երկարաձգվել է 3 ամսով
Քաղաքականություն
17.10.2017 | 20:10
Հոկտեմբերի 16-ին Թուրքիայի նախագահ Ռեջեփ Թայիփ Էրդողանի գլխավորությամբ գումարված ազգայի անվտանգության խորհրդի նիստից հետո կառավարության խոսնակ Բեքիր Բոզդաղը հայտարարել է ընդունված որոշումների մասին:
«Sputnik»-ի թուրքական ծառայության տեղեկացմամբ՝ Բոզդաղը ասել է, որ ազգային անվտանգության խորհդի նիստի ժամանակ որոշում է կայացվել 3 ամսով երկարաձգել Թուրքիայում գործող արտակարգ դրությունը, ինչպես նաև փակել իրաքյան Քուրդիստանի և Թուրքիայի միջև օդային սահանը. փոխանցում է ermenihaber-ը:
Բոզդաղի խոսքերով արտակարգ դրության երկարաձգման մասին որոշումն ուղարկվել է Թուրքիայի խորհրդարանի հաստատմանը:
Անդրադառնալով իրաքյան Քուրդիստանի հետ օդային սահմանը փակելու վերաբերյալ որոշմանը՝ Բոզդաղը նշել է, որ այսուհետև ոչ մի ինքնաթիռ չի կարող Թուրքիայի օդային սահմանն օգտագոծել Քուրդիստան մեկնելու համար: Միևնույն ժամանակ ոչ մի ինքնաթիռ Քուրդիստանից Թուրքիա չի կարող մեկնել:
