21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Թրամփը մտադիր է չեղարկել ԱՄՆ Սենատի` Թուրքիայի դեմ պատժամիջոցներ սահմանելու որոշումը
Քաղաքականություն
24.12.2019 | 16:09
ԱՄՆ նախագահ Դոնալդ Թրամփը Սենատի` Թուրքիայի դեմ պատժամիջոցներ սահմանելու որոշումը կասեցնելու համար, 7 էջից կազմված զեկույց է պատրաստել. գրում է ermenihaber-ը:
Թրամփը զեկույցում նշել է, որ եթե ընդունվի պատժամիջոցներ սահմանելու որոշումը, ապա Թուրքիայի և Ռուսաստանի միջև հարաբերությունները գնալով ավելի են բարելավվելու:
Նշվում է, որ Թրամփը «ընդդիմացել է» նաև թուրքական «Halkbank»-ի դեմ պատժամիջոցներ սահմանելու վերաբերյալ օրինագծին:
Աղբյուրի փոխանցմամբ` Թուրքիայի դեմ կիրառվելիք պատժամիջոցները վերջ կդնեն ԱՄՆ-Թուրքիա զինտեխնիկայի առևտրին և Թուրքիային կդասեն ԱՄՆ-ի համար թշնամի երկրների շարքում:
Թեմայի շուրջ ԱՄՆ Պետքարտուղարության մամուլի խոսնակը ասել է, որ ԱՄՆ-ն ցանկանում է ուժեղ պահել Թուրքիայի և ՆԱՏՕ-ի միջև համագործակցությունը:
Հիշեցնենք, որ ԱՄՆ-ի Սենատը դեկտեմբերի 17-ին հաստատել է պաշտպանության գերատեսչության բյուջեն, որով Թուրքիայի դեմ պատժամիջոցներ են նախատեսվում: Օրինագիծը, որով 2020թ պաշտպանության բյուջեն կազմել է 738 մլրդ դոլար, նախատեսում է արգելել F-35 ամերիկյան ռազմական ինքնաթիռների մատակարարումը Թուրքիային, ինչպես նաև սահմանել պատժամիջոցներ CAATSA օրենքի շրջանակներում։ (CAATSA–Պատժամիջոցների միջոցով Ամերիկայի հակառակորդներին հակազդելու մասին օրենք-խմբ․)։
Ըստ այդմ՝ օրինագծում նշվել է Թուրքիայի F-35 ինքնաթիռները արտադրական պրոցեսից հանելու անհրաժեշտության մասին:
Թուրքիայի դեմ պատժամիջոցներ են նախատեսվում նաև Ռուսաստանի հետ համատեղ իրականացվող «Թուրքական հոսք գազատարի հարցում:
