17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
«Իրենց ուսադիրները մեզ չեն վախեցնում». Ոստիկանության խոշտանգման դեպքով տուժողի ներկայացուցիչ. ՏԵՍԱՆՅՈՒԹ
Հասարակություն
17.12.2019 | 12:19
Տեսանյութում պարզ երևում է, որ մարդ են ուտում: Ինձ չի հետաքրքրում՝ ում ժամանակ է եղել: Սուրբ Հայաստանում մարդ ուտողներն ազատ պտտվում են: Այս մասին այսօր՝ «Հակագազով ցուցմունք կորզելու տեսանյութ. ո՞ր փուլում է քրգործը» թեմայով քննարկման ընթացքում նշեց տուժողի ներկայացուցիչ Մերի Գրիգորյանը:
«Դա չի եղել մեկ օր: Երեք օր այդպես ծեծել են, բայց դատախազը չի մեղադրվել, դատավորը չի մեղադրվել, ոստիկանները չեն մեղադրվել. նրանք ազատ պտտվում են մեր մեջ: Կներեք, բայց ես տարբերություն չեմ տեսնում Սերժ Սարգսյանի, Ռոբերտ Քոչարյանի և թավշյա Հայաստանի միջև: Իմ բարեկամը, որը երկար տարիներ է՝ այս ծանր հոգեբանական վիճակի մեջ է, հիմա էլ ամեն անգամ քննության բերումով այդ տեսանյութը նայում է: Մեղավորները պետք է ազատազրկվեն, որ հասարակությունը կարողանա հանգիստ շունչ քաշել՝ տեսնելով, որ խոշտանգողներն իրենց մեջ չեն և կրում են իրենց պատիժը: Չենք հանձնվելու, անելու ենք ամեն բան, որ մեր ձայնը նաև ամերիկահայությանն ու ռուսահայությանը հասնի: Իրենց ուսադիրները մեզ չեն վախեցնում»,- ասաց տուժողի ներկայացուցիչը:
Մանրամասները՝ տեսանյութում:
Նելլի Մելքոնյան
