30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
Թրամփի կողմից թույլ տրված խախտումներն ակնհայտ են ու անժխտելի. Ադամ Շիֆ
Քաղաքականություն
12.12.2019 | 12:12
ԱՄՆ-ի Ներկայացուցիչների պալատի դատական հարցերով հանձնաժողովը պաշտոնապես մեղադրանքներ է ներկայացրել երկրի նախագահին։ Ինչպես հանձնաժողովի դեմոկրատ նախագահ Ջերոլդ Նադլերը հայտարարեց, «Հանձնաժողովը ներկայացնում է իմփիչմենթի երկու հոդվածներ, որոնք նախագահին մեղադրում են ծանր հանցագրոծությունների եւ զանցանքների մեջ». գրում է amerikayidzayn.com-ը:
Երեք ամիս անցկացված հետաքննությունից եւ մի քանի շաբաթ շարունակված լսումներից հետո Ներկայացուցիչների պալատի դեմոկրատ կոնգրեսականներն ասում են, թե կան ապացույցներ այն մասին, որ նախագահ Թրամփը կասեցրել է Ուկրաինայի համար նախատեսված անվտանգության բնագավառի հատկացումները՝ իր անձնական քաղաքական շահերից ելնելով։
«Նախագահի կողմից թույլ տրված խախտումներն ակնհայտ են ու անժխտելի։ Միայն Ուկրաինայի նախագահի հետ հեռախոսազրույցում «բարեհաճություն» անելու մասին նրա կոչն արդեն իսկ խոսում է հանցագործության մասին»,- ասել է Կոնգրեսի ստորին պալատի հետաքննությունների հարցերով հանձնաժողովի նախագահ Ադամ Շիֆը։
Մանրամասները՝ սկզբնաղբյուր կայքում:
