07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Մեկ-մեկ այնպիսի մուննաթով եք խոսում, որ մեզ թվում է՝ եղած խնդիրների պատճառը մենք ենք․ Բաբկեն Թունյան. ՏԵՍԱՆՅՈՒԹ
Քաղաքականություն
05.12.2019 | 18:43
Ազգային ժողովում «Իմ քայլը» խմբակցության անունից ելույթ ունեցավ Բաբկեն Թունյանը։ Նա, դիմելով «Բարգավաճ Հայաստան» խմբակցության պատգամավոր Միքայել Մելքումյանին, նկատեց, որ ներդրումային վիճակը կարելի է այնպես ներկայացնել, որ ստացվի՝ ամեն ինչ շատ վատ է, կարելի է ներկայացնել այնպես, որ շատ լավ է ու կարելի է ներկայացնել այնպես, որ ոչինչ չի փոխվել։
«Կառավարությունն ինքնակամ նվազեցրել է բյուջեի եկամուտները և հաջորդ տարի բյուջեի եկամուտները 200 մլրդ դրամով ավելի են լինելու, քան այս տարի։ Եթե Դուք սա համարում եք սովորական, շարքային աճ, ուրեմն՝ մենք այդ առումով ընդհանրապես խնդիր չունենք։ Մեր քննարկումների ընթացքում եղել են բազմաթիվ դեպքեր, երբ որ մենք կառավարության հետ ավելի խիսստ անհամաձայնության ենք եղել, քան դուք։ Դուք մեկ-մեկ այնպիսի մուննաթով եք խոսում, որ մեզ թվում է՝ եղած խնդիրների պատճառը մենք ենք»,- նշեց Բաբկեն Թունյանը։
Հիշեցնենք, որ Ազգային ժողովում ընթանում էր «ՀՀ 2020թ. բյուջեի մասին» օրենքի նախագծի քննարկումը:
Մանրամասները՝ տեսանյութում։
