10.07.2026 | 02:01
ԱԱ-2026․ Ֆրանսիան դուրս եկավ կիսաեզրափակիչ․ ՏԵՍԱՆՅՈՒԹ
«Սաակաշվիլու թիմակիցները փորձում են հնարավորությունն օգտագործել և դիվիդենտներ հավաքել»․ վրացագետ. ՏԵՍԱՆՅՈՒԹ
Քաղաքականություն
25.11.2019 | 22:48
Վրաստանի մայրաքաղաք Թբիլիսում շարունակվում են բողոքի ակցիաները՝ Սահմանադրության մեջ համապատասխան փոփոխություններ կատարելու և ամբողջությամբ համամասնական ընտրակարգով արտահերթ խորհրդարանական ընտրություններ անցկացնելու պահանջով։
Թեմայի շուրջ Factor.am-ը զրուցել է վրացագետ Ջոնի Մելիքյանի հետ։
«Ընդդիմությունը՝ հանձինս որոշ քաղաքական ընդդիմադիր կուսակցությունների, օգտվելով այն հնարավորությունից, որը ստացան, երբ իշխող թիմի որոշ պատգամավորներ տապալեցին քվեարկությունը, բողոքի ցույցեր սկսեց։ Կարելի է ասել՝ սկզբում դրանք ավելի լայնամասշտաբ էին և ավելի ներկայացուցչական, քանի որ տարբեր դաշտերից, տարբեր կուսակցություններից, տարբեր հայացքներ ունեցողներ կային։ Այս օրերին, կարելի է ասել, ավելի վառ արտահայտված քաղաքական ուժեր կան»,- ասաց Մելիքյանը։
Վրացագետի կարծիքով՝ բողոքի ցույցերին մասնակցողների մեծամասնությունը Սաակաշվիլի նախկին և ներկա թիմակիցներն են։ «Նրանք փորձում են այս հնարավորությունն օգտագործել և դիվիդենտներ հավաքել։ Մի քանի ժամ առաջ, իշխող թիմի անունից, Թբիլիսիի քաղաքապետ Կախա Կալաձեն հայտարարեց, որ քննարկումները փակ են և իշխող թիմը գալիք տարվա ընտրություններին գնում է խառը համակարգով, ինչը ցույց Է տալիս, որ անցումը համամասնականին, որը նախկինում նախատեսվում էր 2024 թվականին, կլինի 2024 թվականի ըտրությունների համար»։
Վրացագետը գտնում է, որ Վրաստանում ցույցերի պատճառն ընդհանուր դժգոհությունն է , այլ ոչ ցանկությունը՝ անցնելու համամասնական ընտրական կարգի։
Մանրամասները՝ տեսանյութում։
Նելլի Մելքոնյան
