07.03.2026 | 14:22
Շունը երկու դահուկորդի է «տապալել» մարաթոնի ժամանակ․ ՏԵՍԱՆՅՈՒԹ
Ջուլիան Ասանժը կարող է բանտում մահանալ. բժիշկները մտահոգություն են հայտնել
Քաղաքականություն
25.11.2019 | 17:22
Ավելի քան 60 բժիշկներ կարծում են, որ WikiLeaks-ի հիմնադիր Ջուլիան Ասանժի կյանքը վտանգի տակ է: Մեծ Բրիտանիայի ՆԳ նախարարին ուղղված նամակում նրանք նշել են, որ բանտում պատիժը կրող Ասանժը շտապ բժշկական և հոգեբանական օգնության կարիք ունի, գրում է DW-ի ռուսական ծառայությունը:
Ութ երկրներից մասնագետները կարծում են, որ Ջուլիան Ասանժին Բելմարշի առանձնակի վտանգավոր հանցագործների համար նախատեսված բանտից անհրաժեշտ է տեղափոխել համալսարանական կլինիկա: Նամակի համաձայն՝ «իրական վտանգներ» կան, որ բանտում Ասանժը «կարող է մահանալ»:
«Բժշկական տեսանկյունից իրավիճակն անհետաձգելի է: Չի կարելի ժամանակ կորցնել»,- ընդգծել են մասնագետները՝ կասկած հայտնելով, որ 48-ամյա Ասանժի առողջական վիճակը նրան թույլ կտա մասնակցել ԱՄՆ-ի հայցի հիման վրա նրան արտահանձնելու լսումներին:
Նշենք, որ մասնագետները նման գնահատական ներկայացնելիս հիմնվել են հոկտեմբերի 21-ի լսումներին ներկաների վկայությունների, ինչպես նաև ՄԱԿ-ի կտտանքների հետաքննության հատուկ ներկայացուցիչ Նիլս Մելդերի զեկույցի վրա:
