02.02.2026 | 23:29
Թուրքիան և Ադրբեջանը պետք է ապացուցեն, որ ԵՄ-ին Ռուսաստանի գազ չեն մատակարարում
Սերգեյ Լավրովը՝ Թուրքիայի հետ հարաբերությունների ջերմացման մասին. ՏԵՍԱՆՅՈՒԹ
Քաղաքականություն
11.11.2019 | 14:33
Մենք ունենք հարևաններ, որոնք մեզ տրված են պատմությամբ, աշխարհագրությամբ, մենք զարգացնում ենք հարաբերությունները բոլորի և նրանցից յուրաքանչյուրի հետ: Երևանում լրագրողների հետ հանդիպմանը պատասխանելով Ռուսաստանի և Թուրքիայի հարաբերությունների մերձեցման մասին հարցին՝ ասաց ՌԴ ԱԳ նախարար Սերգեյ Լավրովը:
«Դա վերաբերում է ՀԱՊԿ-ի, ԱՊՀ-ի, ԵՏՄ-ի մեր բոլոր գործընկերներին… Մենք բոլորի հետ ուզում ենք լավ հարաբերություններ ունենալ»,- հավելեց նա:
Լավրովը, միաժամանակ, նշեց, որ Ռուսաստանն ամեն կերպ աջակցում է, որպեսզի Հայաստանի և Թուրքիայի հարաբերություններում գոյություն ունեցող խնդիրները հաղթահարվեն:
«2010 թվականին մենք ակտիվորեն նպաստել ենք, այսպես կոչված, ցյուրիխյան արձանագրությունների կստորագրմանը, չնայած նաև զգուշացրել ենք, որ դրանք չեն կարող ուժի մեջ մտնել՝ արցախյան հակամարտության կարգավորումից անկախ: Մենք կասկածներ ունեինք, բայց մեր հայ գործընկերներն այն ժամանակ ասացին՝ այդպես էլ կլինի, մեզ խոստացել են: Ցավոք, ցյուրիխյան արձանագրությունների ճակատագիրը լավ գիտեք»,- նշեց ՌԴ ԱԳ նախարարը՝ հավելելով, որ, ամեն դեպքում, Մոսկվան միշտ պատրաստ է օգտագործել իր հնարավորությունները՝ Հայաստանի և Թուրքիայի հարաբերությունների կարգավորման առաջխաղացման համար:
Մանրամասները՝ տեսանյութում:
