02.05.2024 | 17:51
Իրավապաշտպաններն ու լրագրողները թիրախավորվում են ու հայտնվում խոցելի վիճակում․ Թագուհի Ղազարյան․ ՏԵՍԱՆՅՈՒԹ
Էրեբունիում բացվեց «Միջուկային բժշկության եվրոպական կենտրոնը»
Տնտեսություն
08.11.2019 | 16:34
Էրեբունի վարչական շրջանում տեղի ունեցավ «Միջուկային բժշկության եվրոպական կենտրոնի» բացման արարողությունը, որին մասնակցում էին ՀՀ վարչապետ Նիկոլ Փաշինյանը և առողջապահության նախարար Արսեն Թորոսյանը։
Կենտրոնի ղեկավար, ճառագայթաբան Նատալյա Շենգելիա դե Լանգեն լրագրողների հետ զրույցում նշեց․ «Հիվանդները, որոնք մինչ այդ մեզ մոտ՝ Վրաստան էին գալիս կամ այլ երկրներ մեկնում, բավականին շատ էին։ Միջուկային բժշկության եվրոպական կենտրոնի բացումը նրանց հնարավորություն կտա բարձր տեխնոլոգիական ծառայություններ ստանալ տեղում՝ Հայաստանում։ Այստեղ այցելուներ կունենանք ոչ միայն Հայաստանից, այլ նաև արտերկրից․ սահմանափակումներ չունենք։ Վահանաձև գեղձի հիվանդությունների դեպքում բուժման մեթոդը կոմբինացված է․ առաջին փուլում վիրահատական միջամտություն է արվում, ինչը Հայաստանում արդեն իսկ բարձր մակարդակի վրա է, իսկ հետո՝ ռադիոակտիվ թերապիա։ Փորձելու ենք անել այնպես, որ եվրոպական չափանիշներին համապատասխան այդ բուժումը հայերը ստանան տեղում։ Արտերկիր բուժման մեկնելը ոչ միայն հոգեբանական, այլ նաև ֆինանսական գործոնների հետ է կապված»։
Մանրամասները՝ տեսանյութում։
Նելլի Մելքոնյան
