10.06.2026 | 11:17
805 անձի ՀՀ քաղաքացիության տրամադրումը մերժվել է․ ՏԵՍԱՆՅՈՒԹ
ՌԴ-ում ` Համառուսաստանյան ադրբեջանական կոնգրեսի գրանցման չեղարկումը անհանգստացրել է ադրբեջանցիներին
Քաղաքականություն
15.05.2017 | 10:57
ՌԴ արդարադատության նախարարության` ՌԴ Գերագույն դատարան ներկայացված հայցը` Համառուսաստանյան ադրբեջանական կոնգրեսի գրանցումը չեղարկելու պահանջով, անհասկանալի քայլ է. Trend գործակալությանը տված հարցազրույցում ասել է Միլի Մեջլիսի պատգամավոր Էլմար Նասիրովը:
Ըստ նրա` այս քայլը ստվեր է գցում վերջին տարիներին դինամիկ զարգացող ռազմավարական գործընկերներ` Ադրբեջանի և Ռուսաստանի վրա:
«Ադրբեջանի և Ռուսաստանի դիրքորոշումները հիմնարար հարցերի շուրջ համընկնում են. Ադրբեջանը երբեք չի միացել որոշ երկրների մասնավորապես` Միացյալ Նահանգների` Ռուսաստանի դեմ պատժամիջոցների կիրառմանը, չնայած այն հանգամանքին, որ այդ հարցով այդ երկրները ճնշում են գործադրել Ադրբեջանի վրա», – ասել է Նասիրովը:
Նշենք, որ Ռուսաստանում ցանկանում են չեղարկել Համառուսաստանյան ադրբեջանական կոնգրեսի գրանցումը: Այդ հարցով դատական նիստը կկայանա այսօր՝ մայիսի 15-ին:
